Simulizi : Nenda Na Moyo Wangu Sehemu Ya Pili (2)

Aliponyanyuka Jafary Hiza, ndipo na yule mwanamke aliifikia meza tuliyokaa

na nikauona mshangao wa Jafary Hiza aliomtazama mwanamke yule kuanzia chini

mpaka juu naamini pia alivutiwa naye. Mwanamke yule akatabasamu hapo

akazidi kuvutia kutokana na lile tabasamu lake muruwa. Akasalimiana na

Jafary Hiza kisha akajitambulisha kwake.

"Naitwa Vanessa Noel" Huku tabasamu likiwa pana usoni mwake.

"Naitwa Jafary Hiza"

Kisha Jafary Hiza akamruhusu akae na yeye akaondoka. Vanessa alinitazama

kwa makini kwa sekubnde zisipongua dakika 10 kisha akaivua miwani yake

akazungumza nami.

"Siamini kama unaweza kumuuwa mpenzi wako" akatoa karatasi kadhaa na

kuziweka mezani kisha akatoa tepurekoda akaiweka pia mezani na kuongea tena

"kwanza kwanini umuuwe mwanamke uliyempenda? Pia ulikuwa hufahamu ukimuuwa

utaingia katika matatizo makubwa na mheshimiwa Oscer Valerian?" Hilo

lilikuwa ni jina la baba yake Beatrice ambaye alikuwa naibu katibu mkuu wa

umoja wa mataifa.

"Dada yangu hata nikikueleza vipi huweza kuamini ninachozungumza lakini

sina ukweli mwingine ninaoweza kukuambia zaidi ya kwamba sijamuuwa

Beatrice"

Akafanya kitu cha dharau sana na sijapenda na pia nilichukia ila kwa kuwa

nilikuwa mtuhumiwa, basi sikutaka kufanya fujo yeyote. Kisha akaniambia

"Naitwa Vanessa Noel nakufahamu unaitwa Ramon Lameck, mimi ni mpelelezi wa

kesi hii kwa upande wa mlalamikaji na ni mpelelezi binafsi. Mlalamikaji

ambaye ni mteja wangu amenilipa pesa nyingi sana za kung'amua kitendawili

hiki. Hataki tu kukufunga pia anataka kujua sababu ya wewe kumuua mtoto

wake. Hivyo mbali ya kuwa mpelelezi wa kesi nimesimama hapa kama

mwanasheria wako ambaye nitakutetea kutokana na vifungu vya sheria

vitakavyoniruhusu kufanya hivyo na ukweli utakaonieleza"http://deusdeditmahunda.blogspot.com/

Nikahisi ni mtego. Mpelelezi wa kesi ya mauaji aliyemtuma ni Mlalamikaji na

hapo hapo ananieleza kuwa yeye ameletwa na mlalamikaji ili anitetee!!

Nikamuuliza Mungu, Ulinikutanisha na Beatrice ili maisha yangu yaishie

hapa? Kwanini kile nilichokiota na kutamani kukifanya katika maisha yangu

kinayeyuka kama mshumaa? Chozi likanidondoka kisha nikameza donge zito la

mate. Nikiwa katika kulia, Vanessa Noel akaipiga meza ile ya bati na

kuniambia.

"Huna sababu ya kulia sasa nitakuuliza mambo kadhaa na ninaomba unieleze

kile nitakachokuuliza"

Nikatingisha kichwa kwa kukubali, akaiwasha tepurekoda yake akaanza kuongea

huku akiwa amebonyeza kitufe cha kuruhusu sauti zetu kuingia katika kifaa

kile kwa ajili ya kumbukumbu.

Vanessa Noel akaniuliza swali la msingi ambalo sikutarajia kuulizwa katika

mazingira kama hayo. Akaniuliza kama nimeshakula tangu nikamatwe? nikamjibu

kuwa si tangu nikamatwe tu majira ya saa sita, yaani tangu asubuhi mpaka

sasa saa 9:38 alasiri(kulingana na saa iuliyopachikwa juu ya ukuta mbele

yangu ilivyokuwa ikisema) sijapata muda wa japo kunywa maji.

Vanessa alisikitika sana nilipomueleza hivyo, kisha akazima ile tepurekoda

na kubonyeza kitufe kile chekunde kwenye meza na kuzungumza na mtu wa

upande wa pili.

"Nahitaji chakula kwa ajili ya mteja wangu"

"Dakika chache" sauti ile nzito ikajibu.

Dakika chache baadaye, kweli lango lile likafunguliwa na toroli

lililosheheni hotpot tatu za vyakula na jagi kubwa la kuvunjika lililobeba

maji ya matunda, lilikuwa likisukumwa na askari wa kike mrembo .

Hotpot zikafunguliwa, Vanessa akaitwaa sahani yake na glass ya kujimiminia

maji yale ya matunda ya embe na pansion, kisha akachota tambi akachanganya

na nyama roast pamoja na zile za kukaangwa wa kuku. Nikapata nafasi ya

kumuuliza Vanessa baada ya kila mmoja akiwa anashughulika katika kung'ata

minofu ile.

"Hapa ni wapi? Na kwanini nimeletwa hapa na si mahabusu kama

nilivyotarajia?"

"Hapa panaitwa Safe house watu kama wewe huletwa sehemu kama hii kutokana

na makosa yenu mliyoyatenda. Kama unamkumbuka yule kijana aliyemuua Mtoto

wa Raisi Baraka katika ule mkasa ulioibua hadithi iliyouza nakala nyingi ya

kitabu kilichoitwa NISAMEHE MWANANGU, aliletwa hapa kabla hajapelekwa

Mwanza kwa ajili ya hukumu. Hata yule aliyemuua Waziri mkuu Peter Chongola,

katika mkasa uliandikwa na mwandishi mashuhuri mwenye njaa stallone na

kuita TAKSI YA KIJIVU(MUUWAJI ANAYETAFUTWA), yeye pia aliletwa hapa. Hivyo

na wewe uliyemuua mtoto wa kigogo wa Un umelazimika kuletwa hapa kwa ajili

ya mahojiano kabla ya kesi yako kunguruma"

Hapo nikawa nimemuelewa sana Vanessa kisha tulipomaliza kula alikuja askari

yule yule akatoa vyombo tulivyolia mazungumza yakaendelea.

"Anafanana na Beatrice kwa mbali?" Vanessa akanitoa katika mawazo ya

kumtazama askari yule akaniuliza kiuchokozi. Mimi sikumjibu, bali nilicheka

kiasi na kumtazama Vanessa.http://deusdeditmahunda.blogspot.com/

Vanessa ni mwanamke mrembo sana niliyewahi kukutana naye katika maisha

yangu. kwa ufupi si rahisi kumuelezea Vanessa nikamaliza. Vanessa akawa

anaweka kifaa kile cha kurekodia sawa na akaniuliza swali.

"Nataka nianze kufahamu mlikutana wapi na Beatrice"

Nikaanza kusimulia tangu siku ya kwanza nilipopelekwa na baba chuoni pale-:

CHUONI UDOM

kilikuwa ni kipindi cha kipupwe na baridi kali ilivuma kiasi cha kila

mwanafunzi pale chuoni alikuwa amevaa sweta la kumkinga na baridi. Mimi

nikiwa mtoto wa pekee katika famili yetu, baba yangu mzee Lameck alikuwa na

furaha sana kwa kuwa sikumuangusha tangu nilipomaliza kidato cha nne,

nikapata alama nzuri za kuniwezesha kuchaguliwa na serikali kwenda shule ya

Tambaza kisha baada ya hapo ndipo nikachaguliwa kwenda Udom.

Naweza kusema kuwa baba yangu ni rafiki yangu wa karibu sana katika maisha

yangu. Alifurahia mafanikio yangu na kuhuzunika kwa shida zangu hakika

najivunia sana kuwa na baba kama yeye. Siku hiyo ya kwanza akaniacha niende

kuripoti ofisini na kupewa chumba changu akaniambia kuwa

"Soma kwa bidii sana mwanangu, wewe ni mtoto wa kiume wa kike ataolewa wewe

utaowa hakikisha unaposoma ukitazama daftari unamuona mke na watoto wako

pale" akawasha gari na kuondoka.

Mimi nilienda kwa Den of student kisha akanikabidhi kwa warden ambaye

atanipa ufunguo wa chumba changu pale hostel za chuo. Nikakaa katika hostel

za watu wa social huku mimi nikiwa nasomea Public administration. Huko

nikakutana na vijana wawili Steven Ngonyani pamoja na Michael Stambuli.

Hapo ndipo nilianza kumfahamu Beatrice.

Tukiwa tumetoka dinner na wale vijana wenzangu yaani steve na michael,

tulienda katika Carteen ambayo Michael alituelekeza kwa kuwa yeye alikuwa

ni mwenyeji pale chuoni kabla yetu. Huyu Michael alikuwa mwaka wa pili huku

mimi na Steve tukiwa mwaka wa kwanza steve akiwa amenitangulia wiki moja

kabla mimi sijawasili pale chuoni.

"Huku kuna watoto balaa" Michael akaendelee kutudokeza kama alivyoanza

kutushawishi mpaka tukaja katika mgahawa huu. "Nyinyi rukeni kote ila kuna

mtoto anaitwa Beatrice huyo niachieni, chombo changu hicho"

Nikapatwa na hamu sana ya kumuona huyo Beatrice ambaye Michael alikuwa

haachi kumtaja. Niliagiza wali samaki huku wenzangu wakila ugali na samaki

mkavu. Ghafla Michael akatushitua wote tutazame kule alipokuwa akitazama

yeye.

Alipokuwa akitazama Michael, kulikuwa na wasichana watatu waliokuwa

wakiingia pale katika ule mgahawa tulipo sisi. Kutokana na mgahawa ule kuwa

mrefu sana, japo walikuwa mbali niliweza kuuona urembo wao sawia.

Mmoja alikuwa chotara bila shaka, kutokana na nywele zake za singa zilizo

ndefu kiasi zilifika mgongoni zilipeperuka peperuka; alikuwa akicheka na

mmoja aliye kuwa upande wake wa kushoto huyu alikuwa mweusi wa kawaida

mwenye shepu ya kibantu kwa mbali nilifanikiwa kuuona mwanya wake yeye

alivaa sketi fupi hivyo miguu yake minene niliweza kuiona kwa ukaribu

zaidi. Msichana huyo mwingine ndiye ambaye Michael alitaka tumuone bila

shaka. Maana alipoona tu tumegeuka, akaropoka kama aliyewehuka.

"Huyo anakuja, huyo hapo anayeongea na simu"

Kwa mara ya kwanza nikawa nimemuona Beatrice, ilikuwa ni siku ya kwanza ya

mimi kuingia hapo chuoni na ndiyo siku ya kwanza kukutana na Beatrice.

Itachukua kitabu kizima endapo nikitaka kuelezea uzuri wa msichana huyu.

Niliacha kula nikimtazama. Alikuwa ni mrembo kweli, mrembo haswa. Sasa

nikagundua kilichokua kikimchanganya Michael.

Kwa ufupi tu ni kwamba Beatrice alivaa sketi kama yule mbantu, yeye hakuwa

mweusi wala mweupe rangi yake wala haikuwa maji ya kunde, ila alikuwa

anaukaribia weupe. Siwezi kuelezea kwa ufasaha rangi hiyo ukanielewa. Sura

yake ilikuwa ya mviringo lakini alikuwa ana asili ya nywele kwa sababu

alijaa vinyweleo juu ya ngozi yake kiasi cha kunivutia zaidi kwa kuwa mimi

ni mmoja kati ya wanaopenda aina ile ya ngozi. Vinyweleo laini vilivyolala

juu ya ngozi. Kifuani alikuwa amebeba embe sindano ambazo ziliendelea

kusimama wala hazikutaka kulala hivi karibuni. Kiuno kilikatika kikike huku

hipsi zikijichora sambamba na makalio yaliyovimba na kuinua sketi ile na

kuifanya iwe ndogo zaidi. Alikuwa akiongea na simu mpaka alipovuta kiti

akakaa na mara nikashituka nikishikwa.

"Hoya brother, ndio ushachanganyikiwa?" Alikuwa ni Michael huku Steven

akinicheka "Haya ulikuwa ukimtazama nani? Yule Alisia, Prisca ama Beatrice?"

"Duh! Kaka! Mtoto Beatrice namba nyingine" nikaishia hapo nikachota kijiko

cha wali nikakitupia mdomoni, nikavuta mrija wa juisi nikautia mdomoni

nikawa nanyonya juisi taratibu nikimtazama Michael.

Chuki!! Nikaiona hasira katika uso wa Michael iliyozaa chuki. Ndita

zikaharibu paji lake la uso kisha akasonya na kufinya kidogo macho yake

kama atiaye mkazo kwa jambo alilotaka kuzungumza, hakuongea bali midomo

iliishia hewani akatupa kidole chake cha shahada kama akinionya jambo.

Steve akawa anatazama hali hiyo kwa mshangao sanjari na ilivyokuwa kwangu.

Sikuwa na shaka kwa kuwa moyoni mwangu sikumaanisha kumpenda Beatrice kwa

wakati ule ila kama ujuavyoa wavulana tumuonapo mwanamke mzuri lazima nafsi

zetu ziwake tamaa. Wao waliumbwa kwa ajili yetu.

Tuliendelea kula huku mimi nikiibia ibia kutupa jicho katika meza ya sita

aliyokaa Beatrice na wenzake. Mara ya kwanza, ya pili na ile ya tatu

niligongana macho kwa maho na Beatrice halafu kama waliyekuwa wakiniteta na

yule chotara ambaye baadaye nilikuja kufahamu kuwa ndiye Alisia. Sikujua

walichozungumza lakini walikuwa wakitazama meza yetu. Nikazuga kumtazama

Michael nikamkuta yeye akiachia tabasamu pana huku akiwapungia mkono

akiwasalimia. Nilitamani kucheka ila nilijizuia kwa kujifanya nakunywa

juisi.

Nikanyanyuka kwenda kunawa mikono kwenye ndoo itiririshayo maji kama

bombani, ghafla nikagongana na mtu, mtu yule hakuwa mwingine bali ni

Beatrice. Akanimwagia juisi iliyobaki kidogo kwenye glass yake na kuchafua

shati langu nililovaa.

http://deusdeditmahunda.blogspot.com/

MAHOJIANO NA VANESSA SAFE HOUSE

Kabla sijamaliza kueleza kila kilichokuwa kikiendelea, Vanessa

akanikatisha.

"Sasa ni saa 11 jioni naomba tuishie hapa kwa leo kesho tena nitakuja

kukutembelea ili niweze kujua kilichoendelea. Naomba usiache hata moja

unalolijua niweze kujua jinsi ya kukusaidia"

"Sawa" nikamkubalia, kisha tukaagana na Vanessa.

Vanessa alipoondoka askari wawili waliingia katika kile chumba na mnyororo

fulani uliunganisha pingu za miguu na mikono ambao nilifungwa mimi kisha

nikavalishwa kitambaa cheusi mfano wa kofia ya mzula kisha nikatemnbezwa

taratibu kutoka katika chumba kile.

Nilipokuja kuvuliwa kile kitambaa, nilikuwa ndani ya selo ya peke yangu

lakini ni chumba chenye hadhi ya kulaliwa na mtu mzito. Chumba hicho

kilikuwa na hewa ya pekee na utofauti wa chumba hiki hakikuwa na dirisha

wala mlango.

Hapana! Sasa mimi nilipita wapi? Sikushuka ngazi wala kupanda ila kuna

mlango ulifunguliwa, uko wapi sasa? Mauzauza!!!

Nilijaribu kugusa kuta za pande zote nne za chumba kile baada ya kufanikiwa

kufunguliwa kile kitambaa cheusi, sikufanikiwa kuona chochote kinachofanana

na mlango. Hapo nikakumbuka kile chumba nilichowahi kukiona katika

tamthilia moja pendwa inayoitwa 'The legend of the seeker' sasa nikajiona

mimi nikiwa ni muhanga mmoja wapo kama wale wasichana wawili ndani ya

tamthilia ile.

Nilijaribu kupiga kelele lakini chumba kile kikameza sauti yangu hata

mwangwi haukurudi kama nilivyotaraji. Niligusa hapa na pale sikufanikiwa

kupata chochote ninachokitafuta. Nikaamua kukaa pembeni mwa kitanda kipana

chenye godoro zito pana kutoka chini kwenda juu na kulia kwenda kushoto

lenye mashuka meupe pee! Kisha usingizi ukanipitia. Nikiwa hapo hapo bila

kujitambua.

Niliamka mara baada ya kuamshwa na askari wa kike ambaye alibeba sahani ya

chakula pamoja na glass ya juisi. akaniambia

"Kesho kuna ndugu zako watakuja kukuona"

Nikamshika mkono, nikamuuliza mara alipotaka kuondoka.

"Mlango wa hiki chumba uko wapi? Kwanini nipo hapa na si mahabusu yeyote

chafu kama wafanyiwavyo wavunjaji wa sheria kama mimi?"

Msichana yule alitabasamu kisha akauputa mkono wangu na kunieleza.

"Hapa ni Safe house, wewe ni mtu katili sana na inabidi ulindwe kwa

uangalifu sana kabla hatujajua chanzo cha wewe kufanya mauaji yale.

Unalindwa kwa kuwa inaaminika kama umeweza kumuuwa mwanamke ambaye usiku

uliopita uliweza kudanganya wazazi wake kwa kumvisha pete ya uchumba na

mbele za watu wengi ukakiri unampenda yeye tu huku ukitabasamu kinafki, je

tutajuaje kama umetumwa kumuangamiza mheshimiwa Oscer? Nimekusaidia

kukueleza siri nyingi ila sijilaumu kwa kuwa huoneshi kuwa katili kama

inavyotangazwa huko nje" akatoa gazeti na kunitupia katika mapaja yangu

"Nilipoitazama sura yako katika gazeti hili, sikukubaliana na kichwa hicho

cha habari"

Mara, mara!! Nini hiki? Nasinzia jamani, mara nikalala wala sikumuona yule

askari wa kike wakati anatoka.

Nilipokuja kuamka nililikuta gazeti lile pale pale mapajani mwangu pembeni

kukiwa na sinia la chakula. Nilitazama huku na kule sikumuona yule mwanamke

wala sikuona chochote kilichobadilika katika kuta zile. Nilipotazama katika

sinia lile la chakula, sikukitamani chakula kwanza kabla sijasoma

kilichoandikwa katika gazeti hilo.

"MUUWAJI WA MTOTO WA KIGOGO WA UMOJA WA MATAIFA AKAMATWA NDANI YA NYUMBA YA

MAREHEMU"http://deusdeditmahunda.blogspot.com/

Kisha picha kubwa ikinionesha nikiwa ndani ya nyumba ya mpenzi wangu

Beatrice. Picha hiyo alinipiga yule askari ambaye hakuvaa sare za kipolisi

kisha akanicheka mara nilipokuwa nimejikojolea. Niliitazama picha ile kwa

uchungu na kuisoma habari ile kwa hasira kisha nikameza donge zito la mate

lililonikaba kwa uchungu. Nikakunja kunja lile gazeti na kulitupa kisha

nikapiga kelele za maumivu kutokea ndani ya moyo wangu kutokana na kesi

hiyo mbaya ya kusingiziwa.

Nikalipiga teke sinia lile la chakula nikapiga magoti kwenye kitanda changu

cha kulalia kisha nikalia kwa uchungu. Hakika hakuna kipindi kigumu

nilichokuwa nikipitia zaidi ya hiki katika maisha yangu. Wakati nikiwa

nimejiinamia pale, askari watatu wakaingia.

"Wewe muuwaji! Una nini?"

Ilikuwa ni sauti ya askari mmoja mnene mrefu kiasi, kidevu chake kilikuwa

chakavu kutokana na ndevu na mapele yake yaliyokomaa. Nilipoinuka na

kumtazama ila sikumjibu kitu.

"Mtoeni humu labda hapendi Ac mpelekeni mahabusu za kawaida kule napo kuna

ulinzi mkali"

Wale askari wawili ambao walisimama pembeni yangu wakanibeba msobemsobe kwa

kunishika makwapani kwangu huku mimi nisisimame, hivyo walikuwa

wakiniburuza. Hapo nikawa nimeuona mlango ulivyokuwa wazi na jinsi ya

kuufungua na kuufunga ilinishangaza teknolojia ya namna hii. Sikutegemea

kama hapa hapa Tanzania nilipoishi zaidi ya miaka 26 kungekuwa na sehemu ya

namna hii.

Nikaburuzwa mpaka katika sehemu yenye selo nyingi ambazo zilikuwa tupu na

kutupwa katika moja ya mahabusu hizo bila huruma, kisha wakaniacha hapo

bila kusema lolote. Baada ya dakika chache baadaye, alikuja yule askari wa

kike aliyeniletea chakula mwanzo akaniambia.

"Nimekuletea chakula ule ukikimwaga na hiki shauri yako sintakuonea huruma

tena"

Uso wake haukuwa na mzaha, akakisukumiza kile kibakuli kilichojaa wali,

paja la kuku na ndizi mbivu kwa mguu wake kisha yeye akaondoka.

Nilikula kile chakula mpaka nilipomaliza kisha nikaenda kujitupa katika

kitanda kidogo kipatacho futi 4 kwa 6 cha chuma, nikasinzia.

Ilikuwa asubuhi, alikuja yule askari wa kike na kuniamsha kwa kirungu.

"Wewe, wewe!!"

Nikaamka.

"Embu njoo! Una mgeni wako"

Niliamka haraka haraka kwenda kukutana na mgeni huyo. Sikujua ni nani,

lakini nilitamani sana kukutana na ninayemfahamu ili niweze kupata faraja

ya moyo japo kujua ni vipi watu wanachukulia kesi yangu. Yule askari

akanifunga pingu mikono yangu kwa nyuma kisha akaniongoza mpaka ilipo

sebule ya nyumba ile.

Hapo mwanzo sikuweza kufahamu kabisa kama nilikuwa ndani ya nyumba ya

kifahari namna hii. Samani za gharama zilisheni katika sebule ile. Kila

kona kulikuwa na vitu vya thamani sana. Sikuvalishwa tena kile kitambaa

cheusi ila ulinzi wa kuvalishwa pingu mfano wa minyororo haukukoma.

Nilipotokeza nikiwa katika mshangao wa nyumba ile, niliweza kuwaona walinzi

lukuki wakitembea tembea huko nje na nilipoyatupa macho yangu kwenye

makochi ya pale ukumbini, mgeni aliyekuwa akinisubiri ni Michael rafiki

yangu. Yule askari akazungumza

"Dakika mlizopewa ni 30 tu za kuzungumza"

Nikatazama ukutani kulipokuwa na saa ilikuwa ni saa 3:14 asubuhi siku ya

pili tangu Beatrice auwawe. Nasema auwawe kwa kuwa si mimi muhusika wa

mauaji hayo licha ya kuwa kila mtu anaamini ni mimi ndiye niliyeua.

Nikamtazama Michael nikiwa na furaha lakini Michael alionesha wasiwasi mara

aliponiona. Wasi wasi ule wa Michael ukanitisha sana. Hakuzungumza wala

mimi sikuzungumza kama kwa sekunde kumi hivi, kisha akaniuliza.

"Ramon" kama aliyekuwa akiniita lakini hakumaanisha kuniita, akaendelea

"Umekuaje rafiki yangu?"

Sikujibu haraka, nilimtazama Michael moja kwa moja katika macho yake kama

niliyekuwa nikimsoma jambo kisha nikamuuliza "Michael wewe una amini

nimeua?"http://deusdeditmahunda.blogspot.com/

"Unadhani mimi nitaamini vipi Ramon?" Alinijibu huku akiitupa mikono yake

miwili hewani na uso wake ukiwa katika hali ya msisitizo.

Hapana! Kuna kitu nakiona katika macho ya Michael si kizuri. Kwanini

Michael anayenifahamu mimi kwa miaka 4 zaidi leo anaamini mimi nimeua? Mimi

nina sura ya kuua? Michael anaigiza na kuna kitu anafahamu. Nikapatwa na

wasiwasi na Michael juu ya kifo cha Beatrice.

"Kiukweli habari hizi zimenishangaza sana Ramon. Sikutegemea mtu kama wewe

unaweza kufanya jambo la kikatili namna ile"

Sikumjibu kitu ila kuna kitu kikawa kimenikaba ndani ya koo yangu na

machozi yakinilenga kwa uchungu.

"Sina cha kukusaidia au kukushauri katika hili kwa kuwa unafahamu fika mzee

Oscer(baba yake Beatrice) ana nyadhifa gani hapa Tanzania. Cha ajabu na

kinachonishangaza wakati umeua na bado ukaendelea kubaki eneo la tukio.

Ramon pombe ulizokunywa, pombe mbaya rafiki yangu nilikuwa nikikuambia kila

siku"

"Unasema nini wewe Michael? Kwanini unanituhumu moja kwa moja bila kuwa na

uhakika Michael? Mimi wa kuuwa?" Uvumilivu ukanishinda sasa nikawa naropoka

kwa hasira huku sauti yangu ikipaa juu hata niipoinyanyuka ikaongezeka

zaidi "nakuuliza, mimi naonekana muuwaji kwako leo? Au kwa kuwa msichana

yule ulikuwa unampenda? Ina maana nilidhani huna chuki tena nami kumbe

ulikuwa mnafki? Michael.." Nikamuinamia mpaka ulipo uso wake na kunyoosha

kidole katika kifua changu nikamwambiwa kwa dhati na hisia kali kwa sauti

ya chini "Mimi sijamuuwa Beatrice lakini muuwaji atapatikana"

http://deusdeditmahunda.blogspot.com/

Walinzi waliovalia sare nyeusi ambazo si za askari niliowazoea wa hapa

Tanzania, walikuja na silaha nzito na mmoja wao alituuliza

"Kuna nini? Ustaarabu umewashinda?"

Michael alinyanyuka huku akinitazama, akacheka kwa dharau na kutingisha

kichwa. Akaniambia

"Pole rafiki yangu nitakuja kukuona siku nyingine"

Michael akaondoka.

Nilibaki pale sebuleni wale walinzi nao wakaondoka. Machozi sasa

yakadondoka kwa uchungu. Rafiki yangu amenisaliti. Vipi kuhusu wazazi

wangu? Mama yangu ataniamini?Sina shaka na baba kwa kuwa yeye hunijua vyema

mimi. Nikatupa jicho pembeni nikakutana na gazeti la udaku.

ITAENDELEA